ᱟᱹᱲᱟᱹ
ᱢᱤᱫᱴᱟᱝ, ᱵᱟᱨᱭᱟ ᱵᱟᱝᱠᱷᱟᱱ ᱥᱟᱸᱜᱮ ᱜᱚᱴᱟᱱ ᱪᱤᱠᱤᱠᱚ ᱡᱚᱲᱟᱣ ᱠᱟᱛᱮ ᱢᱮᱱᱮᱛ ᱟᱱᱟᱜ ᱜᱟᱵᱟᱱ ᱨᱚᱲᱜᱮ ᱟᱹᱲᱟᱹ ᱠᱚ ᱢᱮᱛᱟᱜᱼᱟ᱾
ᱡᱮᱞᱮᱠᱟ:- 'ᱟ' ᱥᱟᱶ 'ᱢ' ᱜᱟᱵᱟᱱ ᱠᱟᱛᱮ 'ᱟᱢ' ᱟᱹᱲᱟᱹ ᱦᱩᱭᱟᱠᱟᱱᱟ᱾ ᱱᱚᱝᱠᱟ ᱜᱮ ᱚᱛ, ᱤᱞ, ᱩᱞ, ᱡᱤᱞ, ᱦᱟᱥᱟ, ᱫᱟᱜ ᱮᱢᱟᱱ᱾
ᱱᱚᱣᱟ ᱠᱚ ᱪᱮᱛᱟᱱ ᱨᱮ ᱚᱞ ᱟᱠᱟᱱ ᱟᱢ, ᱚᱛ, ᱤᱞ, ᱩᱞ, ᱡᱤᱞ, ᱦᱟᱥᱟ, ᱫᱟᱜ ᱮᱢᱟᱱ ᱨᱚᱲᱠᱚ ᱨᱮᱭᱟᱜ ᱢᱤᱫᱼᱢᱤᱫᱴᱟᱝ ᱢᱮᱱᱮᱛ ᱢᱮᱱᱟᱜᱼᱟ, ᱚᱱᱟᱛᱮ ᱱᱚᱣᱟ ᱠᱚ ᱫᱚ ᱟᱹᱲᱟᱹ ᱠᱟᱱᱟ᱾
ᱢᱮᱱᱠᱷᱟᱱ ᱡᱟᱦᱟᱸ ᱠᱚ ᱪᱤᱠᱤ ᱜᱩᱴ ᱜᱮ ᱢᱮᱱᱮᱛ ᱵᱟᱝ ᱦᱩᱭᱩᱜᱼᱟ, ᱚᱱᱠᱟᱱ ᱪᱤᱠᱤ ᱜᱩᱴ ᱫᱚ ᱟᱹᱲᱟᱹ ᱵᱟᱝ ᱠᱟᱱᱟ᱾ ᱚᱱᱟᱛᱮ ᱫᱤᱥᱟᱹ ᱫᱚᱦᱚ ᱦᱩᱭᱩᱜᱼᱟ; ᱡᱟᱦᱟᱸ ᱪᱤᱠᱤ ᱜᱩᱴᱠᱚ ᱨᱮᱭᱟᱜ ᱢᱮᱱᱮᱛ ᱢᱮᱱᱟᱜᱼᱟ, ᱚᱱᱟᱜᱮ ᱟᱹᱲᱟᱹ ᱫᱚ᱾
ᱜᱩᱨᱩ ᱜᱚᱢᱠᱮᱭᱟᱜ ᱠᱟᱛᱷᱟ ᱞᱮᱠᱟᱛᱮ, ᱟᱹᱲᱟᱹ ᱫᱚ "ᱢᱤᱼᱢᱤᱫᱴᱟᱝ ᱡᱟᱭ, ᱡᱤᱱᱤᱥ, ᱥᱟᱰᱮ, ᱠᱟᱹᱢᱤ ᱵᱟᱝᱠᱷᱟᱱ ᱟᱹᱭᱟᱹ ᱮᱢᱟᱱᱠᱚ ᱨᱮᱭᱟᱜ ᱧᱩᱛᱩᱢ ᱨᱚᱲ ᱜᱮ ᱟᱹᱲᱟᱹ ᱵᱚ ᱢᱮᱛᱟᱜᱼᱟ᱾"
ᱟᱹᱲᱟᱹ ᱛᱮᱫᱚ ᱡᱤᱱᱤᱥ ᱛᱮᱫ ᱟᱨ ᱚᱱᱟ ᱨᱮᱭᱟᱜ ᱫᱟᱲᱮ ᱟᱨ ᱛᱟᱨᱠᱚ ᱛᱮᱫ ᱵᱩᱡᱷᱟᱹᱜᱼᱟ᱾
ᱡᱮᱞᱮᱠᱟ : - ᱛᱟᱹᱨᱩᱵ ᱵᱤᱨ ᱨᱮᱠᱚ ᱛᱟᱦᱮᱸᱱᱟ᱾ ᱱᱚᱸᱰᱮ "ᱛᱟᱹᱨᱩᱵ" ᱫᱚ "ᱵᱤᱨ" ᱨᱮᱠᱚ ᱛᱟᱦᱮᱸᱱᱟ᱾ ᱱᱚᱣᱟ ᱠᱚᱫᱚ ᱟᱹᱲᱟᱹ ᱠᱟᱱᱟ᱾
ᱟᱹᱲᱟᱹ ᱫᱚ ᱤᱝᱨᱟᱹᱡᱤ ᱛᱮ “Word” (ᱣᱟᱨᱰ) ᱠᱚ ᱢᱮᱛᱟᱜᱼᱟ᱾
0 Comments