ᱥᱩᱦᱨᱤᱫ ᱠᱩᱢᱟᱨ ᱵᱷᱳᱣᱢᱤᱠ || Suhrid Kumar Bhowmick

 ᱧᱩᱛᱩᱢᱟᱱ ᱥᱟᱱᱛᱟᱲᱤ ᱠᱷᱚᱱᱫᱽᱨᱚᱸᱫᱤᱭᱟᱹ ᱟᱨ "ᱢᱟᱨᱟᱝ ᱵᱩᱨᱩ ᱯᱨᱮᱥ" ᱨᱮᱱ ᱛᱷᱟᱯᱚᱱᱤᱭᱟᱹ ᱰᱨ. ᱥᱩᱦᱨᱤᱫ ᱠᱩᱢᱟᱨ ᱵᱷᱳᱣᱢᱤᱠ ᱫᱚ ᱑᱙᱔᱐ ᱥᱮᱨᱢᱟ ᱨᱮᱭᱟᱜ ᱙ ᱡᱩᱱ, ᱩᱱ ᱚᱠᱛᱚ ᱢᱮᱫᱤᱱᱤᱯᱩᱨ ᱦᱚᱱᱚᱛ ᱨᱮᱭᱟᱜ ᱱᱚᱱᱫᱤᱜᱽᱨᱟᱢ ᱨᱮᱭ ᱡᱟᱱᱟᱢ ᱞᱮᱱᱟ᱾

ᱥᱟᱱᱛᱟᱲᱤ ᱥᱟᱶᱦᱮᱫ ᱩᱛᱷᱱᱟᱹᱣ ᱨᱟᱠᱟᱵ ᱞᱟᱹᱜᱤᱫ ᱩᱱᱤ ᱫᱚ ᱢᱮᱪᱮᱫᱟ ᱨᱮ "ᱢᱟᱨᱟᱝ ᱵᱩᱨᱩ ᱯᱨᱮᱥ" ᱮ ᱛᱷᱟᱯᱚᱱ ᱞᱮᱫᱟ᱾ ᱟᱡᱟᱜ ᱥᱟᱯᱲᱟᱣ ᱟᱨ ᱠᱟᱹᱣᱰᱤ ᱜᱚᱲᱚ ᱛᱮ ᱟᱭᱢᱟ ᱚᱱᱚᱞᱤᱭᱟᱹ ᱠᱚᱣᱟᱜ ᱫᱟᱢᱟᱱ ᱯᱚᱛᱚᱵ ᱱᱚᱣᱟ ᱯᱨᱮᱥ ᱠᱷᱚᱱ ᱪᱷᱟᱯᱟ ᱟᱠᱟᱱᱟ᱾

᱑᱙᱖᱔ ᱥᱮᱨᱢᱟ ᱨᱮ "ᱦᱟᱹᱨᱤᱭᱟᱹᱲ ᱥᱟᱠᱟᱢ" ᱧᱩᱛᱩᱢᱟᱱ ᱢᱤᱫ ᱯᱟᱛᱷᱟᱢ ᱩᱪᱷᱟᱹᱱ ᱮ ᱮᱦᱚᱵ ᱞᱮᱫᱟ ᱟᱨ ᱑᱙᱖᱓-᱒᱐᱐᱓ ᱥᱮᱨᱢᱟ ᱦᱟᱹᱵᱤᱫ ᱟᱡ ᱜᱮ ᱱᱚᱣᱟ ᱨᱮᱱ ᱥᱟᱥᱟᱯᱲᱟᱣᱤᱡ ᱞᱮᱠᱟᱛᱮᱭ ᱛᱟᱸᱦᱮ ᱠᱟᱱᱟ᱾

ᱟᱡᱟᱜ ᱚᱞ ᱟᱨ ᱥᱟᱯᱲᱟᱣ ᱯᱚᱛᱚᱵ ᱠᱚᱫᱚ -

• "ᱜᱟᱢ ᱜᱟᱦᱞᱮ" - ᱑᱙᱘᱒ (ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱹᱴᱩᱨᱟᱜ 'ᱜᱚᱞᱯᱚᱜᱩᱪᱷ' [গল্পগুচ্ছ] ᱨᱮᱭᱟᱜ ᱥᱟᱱᱛᱟᱲᱤ ᱛᱚᱨᱡᱚᱢᱟ)

• "ᱥᱮᱨᱮᱧ ᱥᱮᱯᱮᱧ" - ᱑᱙᱗᱐ (ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱹᱴᱩᱨᱟᱜ 'ᱜᱤᱛᱟᱧᱡᱚᱞᱤ' [গীতাঞ্জলি] ᱨᱮᱭᱟᱜ ᱥᱟᱱᱛᱟᱲᱤ ᱛᱚᱨᱡᱚᱢᱟ)

• "ᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ" - ᱑᱙᱙᱗

• "ᱥᱟᱭ ᱥᱮᱨᱢᱟ ᱨᱮᱭᱟᱜ ᱚᱱᱚᱬᱦᱮᱸ" - ᱑᱙᱙᱓

• "ᱢᱤᱫᱥᱟᱭ ᱢᱤᱫ ᱠᱟᱹᱦᱱᱤ" - ᱒᱐᱐᱒

• "ᱦᱩᱰᱤᱧ ᱡᱟᱹᱱᱩᱢ ᱫᱟᱨᱮ"

• "ᱥᱳᱡᱷᱮ ᱦᱚᱲ ᱨᱚᱲᱛᱮ ᱤᱥᱳᱯᱚᱱᱤᱥᱚᱫᱽ"

ᱮᱴᱟᱜ ᱯᱚᱛᱚᱵ ᱠᱚ

• "ᱨᱚᱱᱚᱲᱢᱟᱞᱟ ᱥᱮ বাংলা-সাঁওতালি অভিধান" ᱑᱙᱘᱕

• "Self-Taught Santali" (ᱟᱯᱱᱟᱨ ᱛᱮ ᱥᱟᱱᱛᱟᱲᱤ ᱪᱮᱫᱚᱜ)

• "আদিবাসীদের ভাষা ও বাংলা" (ᱟᱫᱤᱵᱟᱥᱤᱫᱮᱨ ᱵᱷᱟᱥᱟ ᱳ ᱵᱟᱝᱞᱟ) - ᱑᱙᱙᱑

• "আরণ্যক দর্শন ও সাঁওতালি ঈষোপনিষদ" (ᱟᱨᱚᱱᱱᱚᱠ ᱫᱚᱨᱥᱚᱱ ᱳ ᱥᱟᱶᱛᱟᱞᱤ ᱤᱥᱳᱯᱚᱱᱤᱥᱚᱫᱽ) - ᱑᱙᱙᱑

ᱥᱟᱱᱛᱟᱲᱤ ᱯᱟᱹᱨᱥᱤ-ᱥᱟᱶᱦᱮᱫ ᱦᱟᱨᱟ ᱵᱩᱨᱩ ᱨᱮ ᱟᱡᱟᱜ ᱮᱱᱮᱢ ᱟᱨ ᱥᱟᱱᱛᱟᱲᱤ ᱯᱟᱯᱟᱨᱥᱟᱞ ᱨᱮ ᱟᱡᱟᱜ ᱜᱚᱲᱚ ᱞᱟᱹᱜᱤᱫ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱯᱟᱦᱴᱟ ᱥᱮᱫ ᱠᱷᱚᱱ ᱑᱙᱙᱓ ᱥᱮᱨᱢᱟ ᱨᱮ ᱠᱷᱟᱥ ᱢᱟᱹᱱ ᱛᱮᱠᱚ ᱢᱟᱹᱱ ᱵᱮᱵᱷᱟᱨ ᱟᱠᱟᱫᱮᱭᱟ᱾

ᱟᱡᱟᱜ ᱱᱚᱣᱟ ᱠᱟᱹᱢᱤ ᱧᱮᱞ ᱠᱟᱛᱮ ᱥᱟᱱᱛᱟᱲ ᱥᱟᱶᱛᱮ ᱵᱮᱼᱥᱟᱱᱛᱟᱲ ᱠᱚᱦᱚᱸ ᱥᱟᱱᱛᱟᱲ ᱯᱟᱹᱨᱥᱤ ᱪᱮᱛᱟᱱ ᱨᱮ ᱜᱚᱨᱚᱡᱽ ᱦᱮᱡ ᱟᱠᱚ ᱢᱟ᱾