ᱢᱮᱫᱤᱱᱤᱯᱩᱨ ᱢᱤᱥᱚᱱ
ᱢᱮᱫᱤᱱᱤᱯᱩᱨ ᱢᱤᱥᱚᱱ ᱫᱚ ᱠᱨᱤᱥᱛᱟᱱ ᱠᱚ ᱡᱚᱠᱷᱚᱱ ᱢᱟᱬᱟᱝ ᱠᱚ ᱛᱷᱟᱯᱚᱱ ᱞᱮᱫᱟ ᱵᱮᱝᱜᱚᱞ ᱯᱚᱱᱚᱛ ᱨᱮ᱾ ᱱᱚᱣᱟ ᱫᱚ ᱠᱨᱤᱥᱛᱟᱱ ᱫᱷᱚᱨᱚᱢ ᱯᱟᱥᱱᱟᱣ ᱞᱟᱹᱜᱤᱫ ᱠᱚ ᱛᱷᱟᱯᱚᱱ ᱞᱮᱫᱟ, ᱢᱮᱱᱠᱷᱟᱱ ᱛᱟᱭᱚᱢ ᱵᱤᱫᱟᱹᱞ ᱱᱚᱣᱟ ᱢᱤᱥᱚᱱ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱟᱨ ᱥᱟᱶᱦᱮᱫ ᱞᱟᱦᱟᱱᱛᱤ ᱨᱮ ᱜᱚᱲᱚᱭ ᱮᱢ ᱟᱠᱟᱫᱟ᱾ ᱱᱚᱣᱟ ᱢᱤᱥᱚᱱ ᱦᱚᱛᱮᱛᱮ ᱑᱘᱖᱖ ᱥᱮᱨᱢᱟ ᱨᱮ ᱢᱤᱫ ᱥᱮᱨᱮᱧ ᱯᱚᱛᱚᱵ ᱪᱷᱟᱯᱟ ᱥᱚᱫᱚᱨ ᱞᱮᱱᱟ᱾ ᱚᱱᱟ ᱨᱮᱱᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ "ᱢᱮᱫᱤᱱᱤᱯᱩᱨ ᱥᱮᱨᱮᱧ ᱯᱩᱛᱷᱤ"᱾ ᱱᱚᱣᱟ ᱥᱮᱨᱮᱧ ᱯᱚᱛᱚᱵ ᱫᱚ ᱵᱟᱝᱜᱽᱞᱟ ᱪᱤᱠᱤ ᱛᱮ ᱪᱷᱟᱯᱟ ᱞᱮᱱᱟ᱾ ᱱᱚᱣᱟ ᱥᱮᱨᱮᱧ ᱯᱚᱛᱚᱵ ᱫᱚ ᱦᱚᱲ ᱟᱹᱰᱤ ᱜᱮᱠᱚ ᱠᱩᱥᱤᱭᱟᱫ ᱛᱟᱦᱮᱸᱫ᱾ ᱚᱱᱟ ᱫᱚ ᱱᱚᱣᱟ ᱛᱮ ᱵᱟᱰᱟᱭᱚᱜ ᱠᱟᱱᱟ ᱡᱮ ᱑᱘᱖᱖ ᱠᱷᱚᱱ ᱑᱙᱓᱗ ᱥᱮᱨᱢᱟ ᱵᱷᱤᱛᱨᱤ ᱨᱮ ᱛᱩᱨᱩᱭ ᱫᱷᱟᱣ ᱱᱚᱣᱟ ᱯᱚᱛᱚᱵ ᱫᱚ ᱪᱷᱟᱯᱟ ᱟᱠᱟᱱᱟ᱾
0 Comments