ᱚᱠᱛᱚ ᱪᱟᱪᱞᱟᱣ || Time management

ᱚᱠᱛᱚ ᱪᱟᱪᱞᱟᱣ ᱫᱚ ᱢᱤᱫᱴᱟᱝ ᱠᱟᱹᱢᱤ ᱨᱮ ᱛᱤᱱᱟᱹᱜ ᱚᱠᱛᱚ ᱮᱢᱚᱜ ᱦᱩᱭᱩᱜᱼᱟ ᱚᱱᱟ ᱨᱮᱭᱟᱜ ᱯᱞᱮᱱᱤᱝ ᱟᱨ ᱥᱟᱢᱵᱽᱲᱟᱣ ᱠᱟᱱᱟ᱾ ᱚᱠᱛᱚ ᱨᱮᱱᱟᱜ ᱱᱟᱯᱟᱭ ᱵᱮᱵᱚᱦᱟᱨ ᱛᱮ ᱢᱤᱫ ᱦᱚᱲ ᱟᱡᱟᱜ ᱠᱟᱹᱢᱤ ᱠᱚ ᱠᱚᱢ ᱚᱠᱛᱚ ᱨᱮ ᱰᱷᱮᱨ ᱮ ᱠᱟᱹᱢᱤ ᱫᱟᱲᱮᱭᱟᱜᱼᱟ, ᱠᱟᱹᱢᱤ ᱨᱮᱭᱟᱜ ᱪᱤᱱᱛᱟᱹ ᱮ ᱠᱚᱢ ᱫᱟᱲᱮᱭᱟᱜᱼᱟ, ᱟᱨ ᱠᱮᱨᱤᱭᱚᱨ ᱨᱮ ᱥᱚᱨᱮᱥ ᱮ ᱦᱩᱭ ᱫᱟᱲᱮᱭᱟᱜᱼᱟ᱾

ᱱᱟᱯᱟᱭ ᱚᱠᱛᱚ ᱪᱟᱪᱞᱟᱣ 

ᱱᱟᱯᱟᱭ ᱚᱠᱛᱚ ᱪᱟᱪᱞᱟᱣ ᱞᱟᱹᱜᱤᱫ ᱱᱚᱸᱰᱮ ᱛᱤᱢᱤᱱ ᱜᱟᱱ ᱫᱤᱥᱼᱦᱩᱫᱤᱥ ᱮᱢ ᱮᱱᱟ:

᱑. ᱠᱷᱟᱸᱰᱟᱣᱮᱫ ᱠᱟᱱ ᱚᱠᱛᱚ ᱧᱮᱞ ᱴᱷᱟᱹᱣᱠᱟᱹ

ᱟᱢᱟᱜ ᱚᱠᱛᱚ ᱚᱠᱟᱨᱮ ᱠᱷᱟᱸᱰᱟᱣᱚᱜ ᱠᱟᱱᱟ ᱚᱱᱟ ᱵᱟᱰᱟᱭ ᱞᱟᱹᱜᱤᱫ ᱢᱤᱫ ᱥᱮ ᱵᱟᱨ ᱦᱟᱯᱛᱟ ᱜᱟᱱ ᱟᱢᱟᱜ ᱚᱠᱛᱚ ᱚᱠᱟ ᱞᱮᱠᱟ ᱠᱷᱟᱸᱰᱟᱣᱚᱜ ᱠᱟᱱᱟ ᱚᱱᱟ ᱧᱮᱞ ᱴᱷᱟᱹᱣᱠᱟᱹᱭ ᱢᱮ, ᱟᱨ ᱚᱱᱟ ᱨᱮᱭᱟᱜ ᱯᱮᱴᱟᱨᱱ ᱧᱮᱞ ᱢᱮ᱾ ᱪᱮᱫ ᱟᱢ ᱚᱱᱠᱟᱱ ᱠᱟᱹᱢᱤ ᱨᱮ ᱚᱠᱛᱚᱢ ᱠᱷᱟᱸᱰᱟᱣ ᱮᱫᱟ ᱡᱟᱦᱟᱸ ᱟᱢᱟᱜ ᱞᱟᱹᱠᱛᱤ ᱵᱟᱝ ᱠᱟᱱᱟ? ᱪᱮᱫ ᱟᱢ ᱫᱷᱮᱭᱟᱱ ᱚᱪᱚᱜ ᱞᱟᱹᱜᱤᱫ ᱚᱠᱛᱚᱢ ᱵᱚᱨᱵᱟᱛ ᱮᱫᱟ? ᱢᱤᱫ ᱫᱷᱟᱣ ᱱᱚᱣᱟᱢ ᱵᱟᱰᱟᱭ ᱧᱟᱢ ᱞᱮᱠᱷᱟᱱ ᱡᱮ ᱟᱢᱟᱜ ᱚᱠᱛᱚ ᱚᱠᱟᱨᱮ ᱠᱷᱟᱸᱰᱟᱣᱚᱜ ᱠᱟᱱᱟ, ᱮᱱᱠᱷᱟᱱ ᱟᱢ ᱵᱚᱱᱚᱫᱚᱞᱮᱢ ᱮᱦᱚᱵ ᱫᱟᱲᱮᱭᱟᱜᱼᱟ᱾

᱒. ᱟᱢᱟᱜ ᱡᱚᱥ ᱜᱚᱴᱟᱭ ᱛᱟᱢ

ᱟᱢᱟᱜ ᱱᱤᱛ ᱜᱷᱟᱹᱨᱤᱪ ᱟᱨ ᱫᱟᱨᱟᱭ ᱚᱠᱛᱚ ᱨᱮᱭᱟᱜ ᱡᱚᱥ ᱴᱷᱟᱹᱣᱠᱟᱹᱭ ᱛᱟᱢ, ᱟᱯᱱᱟᱨᱟᱜ ᱟᱨ ᱟᱢᱟᱜ ᱠᱟᱹᱢᱤ ᱨᱮᱭᱟᱜ ᱵᱟᱱᱟᱨ ᱜᱮ᱾ ᱱᱚᱣᱟ ᱛᱮ ᱟᱢᱟᱜ ᱠᱟᱹᱢᱤ ᱨᱮ ᱫᱤᱥᱼᱦᱩᱫᱤᱥ ᱮᱢ ᱧᱟᱢ ᱫᱟᱲᱮᱭᱟᱜᱼᱟ᱾

᱓. ᱠᱟᱹᱢᱤ ᱠᱚ ᱵᱟᱪᱷᱟᱣ ᱢᱮ

ᱥᱟᱱᱟᱢ ᱠᱷᱚᱱ ᱞᱟᱹᱠᱛᱤ ᱟᱨ ᱫᱚᱨᱠᱟᱨᱤ ᱠᱟᱹᱢᱤ ᱠᱚ ᱵᱟᱪᱷᱟᱣ ᱢᱮ ᱟᱨ ᱚᱱᱟ ᱞᱮᱠᱟᱛᱮ ᱠᱟᱹᱢᱤᱭ ᱢᱮ᱾

ᱠᱟᱹᱢᱤ ᱵᱟᱪᱷᱟᱣ ᱚᱠᱛᱮ ᱱᱚᱣᱟ ᱠᱚ ᱠᱩᱠᱞᱤ ᱫᱚᱦᱚᱭ ᱢᱮ :

• ᱪᱮᱫ ᱱᱚᱣᱟ ᱠᱟᱹᱢᱤ ᱞᱟᱹᱠᱛᱤ ᱜᱮᱭᱟ?
• ᱪᱮᱫ ᱱᱚᱣᱟ ᱫᱚ ᱠᱟᱹᱢᱤ ᱜᱮ ᱦᱩᱭᱩᱜᱼᱟ?
• ᱛᱟᱭᱚᱢ ᱛᱮ ᱥᱮ ᱮᱴᱟᱜ ᱦᱚᱲᱤᱧ ᱠᱟᱹᱢᱤ ᱚᱪᱚ ᱠᱚ ᱠᱷᱟᱱ ᱜᱟᱱᱚᱜᱼᱟ ᱥᱮ ᱵᱟᱝ?

ᱢᱤᱫ ᱫᱷᱟᱣ ᱟᱢᱟᱜ ᱠᱟᱹᱢᱤ ᱠᱚᱢ ᱵᱟᱪᱷᱟᱣ ᱧᱟᱢ ᱞᱮᱠᱷᱟᱱ ᱚᱱᱟ ᱞᱮᱠᱟᱛᱮᱢ ᱠᱟᱹᱢᱤ ᱫᱟᱲᱮᱭᱟᱜᱼᱟ᱾ 

ᱠᱟᱹᱢᱤ ᱨᱮ ᱮᱴᱟᱜ ᱦᱚᱲᱟᱜ ᱜᱚᱲᱚ ᱯᱟᱲᱟᱣ ᱞᱮᱱ ᱠᱷᱟᱱ ᱜᱚᱲᱚ ᱦᱟᱛᱟᱣ ᱫᱚ ᱟᱞᱚᱢ ᱞᱟᱡᱟᱜᱼᱟ᱾

᱔. ᱯᱞᱮᱱᱤᱝ ᱟᱨ ᱚᱠᱛᱚ ᱨᱮᱭᱟᱜ ᱛᱟᱹᱞᱠᱟᱹ (Time Table)

ᱢᱤᱫ ᱴᱟᱝ ᱫᱤᱱᱟᱹᱢ ᱥᱮ ᱦᱟᱯᱛᱟᱠᱤᱭᱟᱹ ᱯᱞᱮᱱᱤᱝ ᱵᱮᱱᱟᱣ ᱢᱮ, ᱡᱟᱦᱟ ᱨᱮ ᱟᱢᱟᱜ ᱠᱟᱹᱢᱤ ᱠᱚ ᱨᱮᱭᱟᱜ ᱚᱠᱛᱚ ᱚᱞ ᱛᱟᱦᱮᱱᱟ᱾ ᱱᱟᱱᱟᱼᱦᱩᱱᱟᱹᱨ ᱠᱟᱹᱢᱤ ᱞᱟᱹᱜᱤᱫ ᱢᱤᱫ ᱴᱷᱟᱹᱣᱠᱟᱹ ᱚᱠᱛᱚ ᱦᱟᱹᱴᱤᱧ ᱛᱟᱦᱮᱱᱟ, ᱚᱱᱟ ᱨᱮ ᱡᱤᱨᱟᱹᱣ ᱟᱨ ᱨᱟᱹᱥᱠᱟᱹ ᱡᱚᱝ ᱨᱮᱭᱟᱜ ᱦᱚᱸ ᱚᱠᱛᱚ ᱫᱚᱦᱚ ᱠᱟᱢ᱾

᱕. ᱢᱤᱫ ᱫᱷᱟᱣ ᱨᱮ ᱥᱟᱸᱜᱮ ᱠᱟᱹᱢᱤ ᱠᱷᱚᱱ ᱥᱟᱦᱟ ᱨᱮ ᱛᱟᱦᱮᱱ ᱢᱮ

ᱱᱚᱣᱟ ᱫᱚ ᱫᱟᱲᱮ ᱢᱮᱱᱛᱮ ᱢᱚᱱᱮ ᱦᱩᱭ ᱫᱟᱲᱮᱭᱟᱜᱼᱟ, ᱢᱮᱱᱠᱷᱟᱱ ᱥᱟᱸᱜᱮ ᱠᱟᱹᱢᱤ ᱛᱮ ᱠᱟᱹᱢᱤ ᱨᱮᱭᱟᱜ ᱚᱨᱡᱚ ᱟᱨ ᱜᱩᱱ ᱠᱚ ᱠᱚᱢ ᱫᱟᱲᱮᱭᱟᱜᱼᱟ᱾ ᱢᱤᱫ ᱫᱷᱟᱣ ᱨᱮᱫᱚ ᱢᱤᱫᱴᱟᱝ ᱠᱟᱹᱢᱤ ᱨᱮᱜᱮ ᱢᱚᱱᱮ ᱞᱟᱜᱟᱣ ᱢᱮ ᱟᱨ ᱮᱴᱟᱜ ᱠᱟᱹᱢᱤ ᱨᱮ ᱪᱟᱞᱟᱜ ᱞᱟᱦᱟ ᱡᱟᱦᱟᱸᱢ ᱠᱟᱹᱢᱤᱭᱮᱫᱟ ᱚᱱᱟ ᱯᱩᱨᱟᱹᱣ ᱠᱟᱜ ᱢᱮ᱾

᱖. ᱮᱴᱟᱜ ᱦᱚᱲ ᱠᱟᱹᱢᱤ ᱮᱢᱟᱠᱚ ᱪᱮᱫᱚᱜ ᱢᱮ

ᱡᱩᱫᱤᱢ ᱫᱟᱲᱮᱭᱟᱜ-ᱟ, ᱟᱢᱟᱜ ᱠᱟᱹᱢᱤ ᱨᱮᱭᱟᱜ ᱪᱟᱯ ᱠᱚᱢ ᱞᱟᱹᱜᱤᱫ ᱥᱮ ᱟᱨᱦᱚᱸ ᱞᱟᱹᱠᱛᱤᱭᱟ ᱠᱟᱹᱢᱤ ᱞᱟᱹᱜᱤᱫ ᱚᱠᱛᱚ ᱚᱰᱚᱠ ᱞᱟᱹᱜᱤᱫ ᱮᱴᱟᱜ ᱦᱚᱲ ᱠᱟᱹᱢᱤ ᱠᱚ ᱮᱢᱟ ᱠᱚᱢ᱾ ᱠᱟᱹᱢᱤ ᱪᱟᱞ ᱛᱮ ᱮᱴᱟᱜ ᱦᱚᱲ ᱠᱟᱹᱢᱤ ᱨᱮ ᱫᱟᱲᱮᱭ ᱮᱢᱟ ᱠᱚᱣᱟ ᱟᱨ ᱟᱹᱰᱤ ᱞᱟᱹᱠᱛᱤ ᱟᱱᱟᱜ ᱠᱟᱹᱢᱤ ᱨᱮᱢ ᱯᱷᱳᱠᱟᱥ ᱫᱟᱲᱮᱭᱟᱜᱼᱟ᱾

᱗. ᱢᱚᱱᱮ ᱚᱪᱚᱜᱚᱜ ᱠᱚᱢ ᱢᱮ

ᱡᱟᱦᱟᱸ ᱡᱤᱱᱤᱥ ᱟᱢᱟᱜ ᱚᱠᱛᱚ ᱟᱨ ᱢᱚᱱᱮᱭ ᱚᱪᱚᱜ ᱫᱟᱲᱮᱭᱟᱜᱼᱟ ᱚᱱᱟ ᱵᱟᱰᱟᱭ ᱢᱮ ᱟᱨ ᱚᱱᱟ ᱥᱟᱦᱟᱭ ᱢᱮ ᱥᱮ ᱠᱚᱢ ᱢᱮ, ᱡᱮᱞᱮᱠᱟ ᱥᱳᱥᱤᱭᱟᱞ ᱢᱤᱰᱤᱭᱟ, ᱰᱷᱮᱨ ᱠᱷᱚᱱ ᱰᱷᱮᱨ ᱥᱚᱱᱛᱚᱨ (notification) ᱪᱮᱠᱤᱝ, ᱟᱨᱵᱟᱝ ᱵᱟᱝ ᱞᱟᱹᱠᱛᱤᱭᱟᱱ ᱢᱤᱴᱤᱝ ᱮᱢᱟᱱ᱾

᱘. ᱠᱟᱹᱢᱤ ᱠᱚ ᱦᱩᱰᱤᱧ ᱦᱩᱰᱤᱧ ᱫᱷᱟᱯ ᱨᱮ ᱦᱟᱹᱴᱤᱧ ᱢᱮ

ᱞᱟᱹᱴᱩ ᱯᱨᱚᱡᱮᱠᱴ ᱥᱮ ᱠᱟᱹᱢᱤ ᱠᱚ ᱦᱟᱢᱟᱞ ᱦᱩᱭ ᱫᱟᱲᱮᱭᱟᱜᱼᱟ᱾ ᱱᱚᱣᱟ ᱠᱚ ᱦᱩᱰᱤᱧ, ᱪᱟᱪᱞᱟᱣ ᱜᱟᱱᱚᱜ ᱞᱮᱠᱟᱱ ᱫᱷᱟᱯ ᱨᱮ ᱦᱟᱹᱴᱤᱧ ᱢᱮ ᱟᱨ ᱢᱤᱫ ᱫᱷᱟᱣ ᱨᱮ ᱢᱤᱫᱴᱟᱝ ᱠᱟᱛᱮ ᱠᱟᱹᱢᱤ ᱯᱩᱨᱟᱹᱣ ᱢᱮ᱾ ᱱᱚᱣᱟ ᱯᱟᱱᱛᱷᱟ ᱛᱮ ᱞᱟᱦᱟᱱᱛᱤ ᱟᱨ ᱠᱟᱹᱢᱤ ᱯᱩᱨᱟᱹᱣ ᱟᱹᱭᱠᱟᱹᱣ ᱧᱟᱢᱚᱜᱼᱟ᱾

᱙. ᱞᱮᱛᱟᱲ ᱜᱮ ᱡᱤᱨᱟᱹᱣ ᱦᱟᱛᱟᱣ ᱢᱮ

ᱨᱤᱪᱟᱨᱡ ᱥᱮ ᱠᱟᱹᱢᱤ ᱫᱟᱲᱮ‌ ᱥᱟᱜᱮᱱ ᱨᱩᱣᱟᱹᱲ ᱞᱟᱹᱜᱤᱫ ᱠᱟᱹᱢᱤ ᱛᱟᱞᱟ ᱨᱮ ᱦᱩᱰᱤᱧ ᱡᱤᱨᱟᱹᱣ ᱦᱟᱛᱟᱣ ᱢᱮ᱾ ᱨᱩᱣᱟᱹᱲ ᱦᱮᱡ ᱞᱮᱱ ᱠᱷᱟᱱᱮᱢ ᱢᱤᱫ ᱜᱷᱟᱹᱨᱤ ᱠᱟᱹᱢᱤ ᱠᱷᱚᱱ ᱥᱟᱦᱟ ᱨᱮ ᱛᱟᱦᱮᱱ ᱟᱢᱟᱜ ᱯᱷᱳᱠᱟᱥ ᱟᱨ ᱠᱟᱹᱢᱤ ᱫᱟᱲᱮᱭ ᱩᱛᱱᱟᱹᱣ ᱫᱟᱲᱮᱭᱟᱜᱼᱟ᱾

᱑᱐. 'ᱵᱟᱝ' ᱢᱮᱻᱢᱮᱱ ᱥᱮᱬᱟᱭ ᱢᱮ

ᱟᱢᱟᱜ ᱥᱤᱢᱟᱹ ᱠᱚ ᱵᱟᱰᱟᱭ ᱢᱮ ᱟᱨ ᱵᱟᱹᱲᱛᱤ ᱠᱤᱨᱭᱟᱹ ᱦᱟᱛᱟᱣ ᱠᱷᱚᱱ ᱥᱟᱦᱟ ᱨᱮ ᱛᱟᱦᱮᱸᱱ ᱢᱮ᱾ ᱦᱚᱲᱟᱜ ᱱᱮᱦᱚᱨ ᱥᱮ ᱠᱟᱹᱢᱤ ᱠᱚ ᱥᱟᱦᱟ ᱠᱟᱜ (ᱵᱟᱝ ᱢᱮᱱ) ᱥᱮᱬᱟᱭ ᱢᱮ, ᱡᱟᱦᱟᱸ ᱟᱢᱟᱜ ᱵᱟᱪᱷᱟᱣ ᱠᱟᱹᱢᱤ ᱥᱟᱶ ᱵᱟᱝ ᱯᱟᱱᱛᱮᱜ ᱠᱟᱱᱟ ᱥᱮ ᱡᱟᱦᱟᱸ ᱛᱮ ᱟᱢᱟᱜ ᱚᱠᱛᱚ ᱛᱟᱹᱞᱠᱟᱹ (Time Table) ᱦᱟᱢᱟᱞᱚᱜᱼᱟ᱾

᱑᱑. ᱫᱤᱱᱟᱹᱢ ᱜᱮ ᱛᱩᱞᱟᱹᱡᱚᱠᱷᱟᱭ ᱢᱮ

ᱟᱢᱟᱜ ᱯᱨᱳᱜᱽᱨᱮᱥ ᱥᱮ ᱞᱟᱦᱟᱱᱛᱤ ᱫᱚ ᱫᱤᱱᱟᱹᱢ ᱜᱮ ᱛᱩᱞᱟᱹᱡᱚᱠᱷᱟᱭ ᱢᱮ ᱟᱨ ᱡᱟᱦᱟᱸ ᱞᱮᱠᱟ ᱞᱟᱹᱠᱛᱤᱭᱟᱱ ᱠᱷᱟᱱ ᱟᱢᱟᱜ ᱚᱠᱛᱚ ᱛᱟᱹᱞᱠᱟᱹ (Time Table) ᱟᱨ ᱠᱟᱹᱢᱤ ᱯᱟᱱᱛᱷᱟ ᱠᱚ ᱵᱚᱫᱚᱞ ᱢᱮ᱾ ᱪᱮᱫ ᱵᱷᱟᱜᱮ ᱦᱩᱭ ᱟᱠᱟᱱᱟ ᱥᱮ ᱚᱠᱛᱚ ᱪᱟᱪᱞᱟᱣ ᱨᱮ ᱪᱮᱫ ᱪᱮᱫ ᱩᱛᱱᱟᱹᱣ ᱦᱩᱭ ᱫᱟᱲᱮᱭᱟᱜᱼᱟ ᱚᱱᱟ ᱧᱮᱞ ᱵᱤᱰᱟᱹᱣ ᱢᱮ᱾ 

ᱫᱤᱥᱟᱹ ᱫᱚᱦᱚ ᱠᱟᱜ ᱢᱮ, ᱚᱠᱛᱚ ᱪᱟᱪᱞᱟᱣ ᱫᱚ ᱢᱤᱫ ᱦᱩᱱᱟᱹᱨ ᱠᱟᱱᱟ ᱡᱟᱦᱟᱸ ᱞᱟᱹᱜᱤᱫ ᱦᱮᱣᱟ ᱟᱨ ᱟᱯᱱᱟᱨ ᱪᱮᱛᱟᱱ ᱯᱟᱹᱛᱭᱟᱹᱣ ᱫᱚᱨᱠᱟᱨ ᱠᱟᱱᱟ᱾ ᱱᱚᱣᱟ ᱠᱚ ᱠᱟᱹᱢᱤ ᱯᱟᱱᱛᱷᱟ ᱞᱟᱹᱜᱩ ᱠᱟᱛᱮ ᱟᱨ ᱱᱚᱣᱟ ᱠᱚ ᱟᱢᱟᱜ ᱴᱷᱟᱹᱣᱠᱟᱹ ᱟᱱᱟᱜ ᱞᱟᱹᱠᱛᱤ ᱟᱨ ᱦᱟᱞᱚᱛ ᱥᱟᱶ ᱡᱩᱲᱟᱹᱣ ᱠᱟᱛᱮ, ᱟᱢ ᱟᱢᱟᱜ ᱚᱠᱛᱚ ᱟᱨᱦᱚᱸ ᱱᱟᱯᱟᱭ ᱛᱮ ᱵᱮᱵᱷᱟᱨ ᱟᱨ ᱟᱢᱟᱜ ᱡᱚᱥ (ᱞᱚᱠᱠᱷᱚ) ᱠᱚ ᱧᱟᱢ ᱨᱮ ᱧᱩᱢ ᱜᱟᱱᱚᱜ ᱞᱮᱠᱟᱢ ᱩᱛᱱᱟᱹᱣ/ᱞᱟᱦᱟᱱᱛᱤ ᱫᱟᱲᱮᱭᱟᱜᱼᱟ᱾