ᱚᱱᱚᱬᱦᱤᱭᱟᱹ, ᱚᱱᱚᱞᱤᱭᱟᱹ ᱫᱣᱤᱡᱽᱯᱚᱫᱚ ᱦᱟᱸᱥᱫᱟ ᱫᱚ ᱑᱙᱗᱔ ᱥᱮᱨᱢᱟ ᱨᱮᱭᱟᱜ ᱒ ᱡᱩᱞᱟᱭ, ᱯᱩᱨᱩᱞᱤᱭᱟᱹ ᱡᱮᱞᱟ ᱨᱮᱭᱟᱜ ᱵᱳᱨᱳ ᱛᱷᱟᱱᱟ ᱨᱮᱭᱟᱜ ᱠᱩᱴᱱᱤ ᱟᱹᱛᱩ ᱨᱮᱭᱟᱜ ᱡᱟᱱᱟᱢ ᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱠᱚᱝᱥᱟᱨᱤ ᱟᱨ ᱟᱭᱳ ᱫᱚ ᱦᱚᱨᱤᱯᱚᱛᱤ᱾
ᱚᱞᱚᱜ ᱯᱟᱲᱦᱟᱜ
ᱥᱤᱞᱫᱟᱹ ᱪᱚᱱᱫᱽᱨᱚᱥᱮᱠᱷᱚᱨ ᱠᱚᱞᱮᱡᱽ ᱠᱷᱚᱱ ᱜᱨᱮᱡᱩᱭᱮᱥᱚᱱ ᱠᱚᱨᱟᱣ ᱛᱟᱭᱚᱢ, ᱵᱤᱫᱫᱟᱥᱟᱜᱚᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱮᱢ.ᱮ.ᱭ ᱠᱚᱨᱟᱣ ᱟᱠᱟᱫᱟ᱾
ᱠᱟᱹᱢᱤ
ᱫᱣᱤᱡᱽᱯᱚᱫᱚ ᱦᱟᱸᱥᱫᱟ ᱜᱚᱢᱠᱮ ᱫᱚ ᱢᱟᱪᱮᱫ ᱨᱮᱭᱟᱜ ᱮ ᱠᱟᱹᱢᱤ ᱠᱟᱱᱟ᱾
ᱥᱟᱶᱦᱮᱫ ᱪᱟᱨᱪᱟ
ᱫᱣᱤᱡᱽᱯᱚᱫᱚ ᱜᱚᱢᱠᱮ ᱟᱭᱢᱟ ᱚᱱᱚᱞ, ᱠᱟᱹᱦᱱᱤ, ᱚᱱᱚᱬᱦᱮᱸ ᱟᱨ ᱥᱮᱨᱮᱧ ᱮ ᱚᱞ ᱟᱠᱟᱫᱟ᱾ ᱟᱡᱟᱜ ᱱᱚᱣᱟ ᱚᱞ ᱠᱚ ᱱᱟᱱᱟᱼᱦᱩᱱᱟᱹᱨ ᱯᱟᱛᱷᱟᱢ ᱨᱮ ᱪᱷᱟᱯᱟ ᱟᱠᱟᱱᱟ᱾ ᱡᱩᱣᱟᱹᱱ ᱠᱚᱣᱟᱜ ᱵᱮᱼᱵᱟᱹᱲᱤᱡ ᱟᱪᱟᱨ ᱵᱮᱵᱷᱟᱨ ᱟᱨ ᱚᱱᱟ ᱨᱮᱭᱟᱜ ᱥᱚᱞᱦᱮ ᱵᱟᱵᱚᱛ ᱮ ᱚᱞ ᱟᱠᱟᱫᱟ᱾
ᱩᱱᱤ ᱫᱚ "ᱮᱵᱷᱮᱱ ᱟᱲᱟᱝ" ᱟᱨ "ᱥᱟᱶᱛᱟ ᱟᱹᱨᱥᱤ" ᱯᱟᱛᱷᱟᱢ ᱨᱮᱱ ᱥᱟᱥᱟᱯᱲᱟᱣᱤᱡ ᱞᱮᱠᱟᱛᱮ ᱦᱚᱸᱭ ᱛᱟᱦᱮᱸ ᱟᱠᱟᱱᱟ᱾
ᱚᱞ ᱯᱚᱛᱚᱵ
• "ᱦᱮᱥᱮᱪ ᱥᱮᱠᱮᱪ" (ᱥᱮᱨᱮᱧ) - ᱒᱐᱐᱕
0 Comments