ᱪᱳᱣᱜᱷᱟᱴᱟ, ᱵᱤᱨᱵᱷᱩᱢ
ᱮᱛᱚᱦᱚᱵ ᱡᱤᱭᱚᱱ
ᱟᱡᱟᱜ ᱠᱩᱲᱤ ᱩᱢᱮᱨ ᱨᱮ (ᱡᱚᱠᱷᱚᱱ ᱦᱟᱞᱮ ᱜᱮ ᱤᱥᱠᱩᱞ ᱢᱟᱪᱮᱫ ᱮ ᱵᱮᱱᱟᱣ ᱞᱮᱱᱟ) ᱩᱱ ᱨᱮ, ᱜᱩᱨᱩ ᱜᱚᱢᱠᱮ ᱟᱨ ᱥᱟᱹᱫᱷᱩ ᱨᱟᱢᱪᱟᱸᱫᱽ ᱢᱩᱨᱢᱩ ᱛᱟᱹᱠᱤᱱ ᱥᱟᱶ ᱮ ᱧᱟᱯᱟᱢ ᱟᱠᱟᱱᱟ᱾
• ᱯᱮ ᱵᱚᱭᱦᱟ ᱠᱩᱲᱤ ᱠᱚ ᱛᱟᱦᱮ ᱠᱟᱱᱟ᱾
- ᱜᱤᱫᱽᱨᱟᱹ ᱠᱚᱫᱚ :
ᱚᱞ ᱯᱟᱲᱦᱟᱣ
ᱱᱟᱨᱟᱱᱯᱩᱨ ᱢᱤᱥᱚᱱ ᱤᱥᱠᱩᱞ, ᱠᱮᱫᱟᱨᱯᱩᱨ ᱠᱷᱚᱱ ᱮ ᱯᱟᱲᱦᱟᱣ ᱟᱠᱟᱱᱟ᱾
ᱢᱟᱫᱷᱚᱢᱤᱠ ᱫᱚ ᱤᱥᱠᱩᱞ ᱵᱟᱝ ᱛᱟᱦᱮ ᱠᱟᱱ ᱛᱮ᱾
ᱤᱥᱠᱩᱞ ᱵᱟᱭᱱᱟᱨ (ᱢᱟᱫᱷᱚᱢᱤᱠ ᱠᱷᱚᱱ ᱞᱟᱛᱟᱨ) ᱯᱟᱲᱦᱟᱣ ᱠᱟᱛᱮ ᱖ ᱪᱟᱸᱫᱚ ᱢᱩᱫᱽ ᱨᱮ ᱤᱥᱠᱩᱞ ᱢᱟᱪᱮᱫ ᱨᱮᱭᱟᱜ ᱪᱟᱹᱠᱨᱤᱭ ᱧᱟᱢ ᱠᱮᱫᱟ᱾ ᱩᱱ ᱚᱠᱛᱚ ᱘᱐ ᱴᱟᱠᱟ ᱫᱚᱨ ᱢᱟᱦᱟ ᱠᱚ ᱧᱟᱢᱮᱫ ᱠᱟᱱ ᱛᱟᱦᱮᱱᱟ᱾ ᱥᱟᱞ ᱫᱚ ᱑᱙᱖᱗ ᱦᱩᱪᱩᱠ ᱯᱟᱲᱟ ᱮᱛᱚᱦᱚᱵ ᱵᱤᱨᱫᱟᱹᱜᱟᱲ᱾ ᱚᱱᱟ ᱛᱟᱭᱚᱢ ᱟᱜᱚᱭᱟ ᱤᱥᱠᱩᱞ ᱟᱨ ᱚᱱᱟ ᱛᱟᱭᱚᱢ ᱪᱚᱠᱨᱟᱭᱯᱩᱨ ᱮᱛᱚᱦᱚᱵ ᱤᱥᱠᱩᱞ ᱨᱮ ᱒᱐᱐᱔ ᱠᱟᱹᱢᱤ ᱠᱷᱚᱱ ᱮ ᱡᱤᱨᱟᱹᱣ ᱮᱱᱟ᱾
ᱚᱱᱚᱬᱦᱮᱸ ᱚᱞ
ᱠᱮᱫᱟᱨᱯᱩᱨ ᱤᱥᱠᱩᱞ ᱨᱮ ᱯᱟᱲᱦᱟᱜ ᱚᱠᱛᱮ, ᱵᱟᱝᱞᱟ ᱛᱮ ᱠᱟᱹᱦᱱᱤᱭ ᱚᱞ ᱞᱮᱫᱟ, ᱢᱮᱱᱠᱷᱟᱱ ᱤᱥᱠᱩᱞ ᱨᱮ ᱫᱤᱠᱩ ᱜᱤᱫᱽᱨᱟᱹ ᱠᱚᱣᱟᱜ ᱚᱞ ᱫᱚ ᱪᱮᱛᱟᱱ ᱨᱮᱠᱚ ᱫᱚᱦᱚ ᱞᱮᱫᱟ ᱟᱨ ᱤᱧᱟᱜ ᱫᱚ ᱞᱟᱛᱟᱨ ᱨᱮ ᱪᱷᱤᱝᱼᱪᱷᱟᱹᱛᱩᱨ ᱠᱚ ᱫᱚᱦᱚ ᱟᱠᱟᱫ ᱛᱟᱦᱮᱱᱟ᱾ ᱩᱱᱠᱷᱚᱱ ᱩᱭᱦᱟᱹᱨ ᱦᱮᱡ ᱟᱫᱤᱧᱟ (ᱵᱟᱝᱞᱟ ᱨᱮᱱ ᱢᱚᱫᱷᱩᱥᱩᱫᱚᱱ ᱤᱝᱞᱤᱥ ᱛᱮ ᱚᱞ ᱠᱟᱛᱮ ᱪᱮᱫ ᱞᱮᱠᱟ ᱢᱟᱹᱱ ᱵᱟᱭ ᱧᱟᱢ ᱞᱮᱫᱟ, ᱛᱟᱭᱚᱢ ᱛᱮ ᱵᱟᱝᱞᱟ ᱛᱮ ᱚᱞ ᱠᱟᱛᱮ ᱩᱯᱨᱩᱢ ᱮ ᱧᱟᱢ ᱠᱮᱫᱟ) ᱤᱧ ᱦᱚᱸ ᱚᱱᱟᱛᱮ ᱩᱱᱠᱷᱚᱱ ᱥᱟᱱᱛᱟᱲᱤ ᱛᱮ ᱚᱞ ᱵᱮᱞ ᱤᱧ ᱮᱦᱚᱵ ᱠᱮᱫᱟ᱾
᱑᱙᱙᱐ ᱥᱟᱞ ᱢᱟᱨᱟᱝ ᱠᱚᱨᱮ ᱠᱷᱚᱱ ᱚᱞ ᱵᱮᱞ ᱫᱚᱭ ᱮᱦᱚᱵ ᱞᱮᱫᱟ᱾ ᱚᱞ ᱠᱚᱫᱚ ᱡᱟᱹᱥᱛᱤ ᱠᱟᱭᱛᱮ ᱚᱱᱚᱬᱦᱮ ᱜᱮᱭ ᱚᱞ ᱵᱟᱲᱟ ᱟᱠᱟᱫᱟ᱾
• ᱚᱞ ᱪᱤᱠᱤ ᱫᱚ ᱟᱡ ᱛᱮᱜᱮᱭ ᱪᱮᱫ ᱟᱠᱟᱫᱟ᱾
 |
| ᱢᱟᱹᱱᱤ ᱦᱟᱸᱥᱫᱟ, ᱜᱚᱱᱯᱩᱨ, ᱵᱤᱨᱵᱷᱩᱢ ᱨᱮ (᱒᱑ ᱢᱟᱨᱪ, ᱒᱐᱒᱕) |
ᱥᱤᱨᱯᱟᱹ
• ᱒᱐᱑᱐ ᱨᱮ ᱥᱤᱠᱷᱱᱟᱹᱛ ᱨᱮ (ᱢᱟᱪᱮᱫ), ᱚᱞᱼᱵᱮᱞ ᱟᱨ ᱥᱟᱶᱛᱟ ᱵᱷᱟᱹᱞᱟᱹᱭ ᱠᱟᱹᱢᱤ ᱞᱟᱹᱜᱤᱫ ᱫᱤᱥᱚᱢ ᱜᱚᱢᱠᱮ ᱥᱤᱨᱯᱟᱹᱭ ᱧᱟᱢ ᱞᱮᱫᱟ᱾ ᱚᱠᱛᱚ ᱠᱚᱢ ᱠᱷᱟᱹᱛᱤᱨ ᱫᱤᱞᱞᱤ ᱨᱮ ᱵᱟᱝ ᱪᱟᱞᱟᱣ ᱠᱷᱟᱹᱛᱤᱨ ᱛᱮ ᱠᱳᱞᱠᱟᱛᱟ ᱨᱮᱜᱮ ᱯᱚᱱᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱚᱱᱟ ᱥᱤᱨᱯᱟᱹ ᱫᱚᱭ ᱟᱛᱟᱝ ᱞᱮᱫᱟ᱾
ᱫᱤᱠᱩ ᱴᱷᱮᱱ ᱠᱷᱚᱱ ᱱᱤᱫᱷᱟᱹᱱᱚᱜ ᱠᱟᱛᱷᱟ
ᱩᱱᱠᱤᱱ (ᱴᱩᱨᱠᱩ ᱦᱟᱸᱥᱫᱟ ᱟᱨ ᱞᱚᱯᱫᱟ ᱦᱮᱢᱵᱽᱨᱚᱢ) ᱫᱚ ᱥᱤ.ᱯᱤ.ᱮᱢ ᱨᱮᱱ ᱦᱚᱲ ᱠᱤᱱ ᱛᱟᱦᱮ ᱠᱟᱱᱟ᱾ ᱢᱟᱹᱱᱤ ᱦᱟᱸᱥᱫᱟᱜ ᱦᱩᱪᱩᱠ ᱯᱟᱲᱟ ᱤᱥᱠᱩᱞ ᱨᱮᱭ ᱛᱟᱦᱮ ᱠᱟᱱ ᱚᱠᱛᱚ ᱚᱠᱚᱭ ᱠᱚᱪᱚ ᱚᱱᱟ ᱤᱥᱠᱩᱞ ᱠᱷᱚᱱ ᱚᱪᱚᱜ ᱨᱮᱭᱟᱜ ᱠᱟᱛᱷᱟ ᱠᱚ ᱢᱮᱱᱮᱫ ᱛᱟᱦᱮᱱᱟ ᱟᱨ ᱛᱩᱨᱠᱩ ᱦᱟᱸᱥᱫᱟᱜ ᱦᱮᱡ ᱠᱟᱛᱮ ᱠᱚᱲᱟᱢ ᱯᱷᱩᱞᱟᱹᱣ ᱠᱟᱛᱮᱭ ᱢᱮᱱ ᱠᱮᱫᱟ ᱚᱠᱚᱭ ᱱᱩᱭ ᱚᱪᱚᱜ ᱯᱮ ᱢᱮᱱ ᱮᱫᱟ ᱤᱧ ᱧᱮᱞᱮᱫ ᱯᱮᱭᱟ᱾ (ᱱᱚᱝᱠᱟ ᱠᱟᱛᱮ ᱩᱱᱤᱭ ᱥᱚᱦᱚᱫ ᱟᱠᱟᱫᱮ ᱛᱟᱦᱮ ᱠᱟᱱᱟ᱾)
• ᱢᱤᱫ ᱫᱷᱟᱣ ᱥᱤᱣᱲᱤ ᱛᱮᱭ ᱪᱟᱞᱟᱜ ᱠᱟᱱ ᱚᱠᱛᱚ ᱢᱤᱫ ᱫᱤᱠᱩ ᱢᱟᱡᱷᱤ ᱢᱮᱱ ᱠᱟᱛᱮᱭ ᱱᱮᱥᱲᱟᱣ ᱮᱫᱮ ᱠᱟᱱ ᱛᱟᱦᱮᱱᱟ, ᱚᱱᱟ ᱛᱮ ᱩᱱᱤ ᱫᱚ ᱩᱱᱤ ᱫᱤᱠᱩ ᱥᱟᱢᱟᱝ ᱨᱮ ᱚᱱᱠᱟ ᱠᱟᱛᱷᱟ ᱛᱮᱜᱮᱭ ᱨᱚᱲ ᱨᱩᱣᱟᱹᱲ ᱞᱮᱫᱮᱭᱟ᱾ ᱚᱱᱟ ᱛᱟᱭᱚᱢ ᱠᱷᱚᱱ ᱚᱠᱚᱭ ᱦᱚᱸ ᱪᱮᱫ ᱦᱚᱸ ᱵᱟᱠᱚ ᱢᱮᱱ ᱫᱟᱲᱮ ᱟᱫᱮ ᱛᱟᱦᱮ ᱠᱟᱱᱟ᱾
0 Comments