ᱱᱚᱣᱟ ᱥᱟᱠᱳ ᱦᱚᱛᱮᱛᱮ ᱵᱟᱝᱞᱟᱫᱮᱥ ᱨᱮᱱᱟᱜ ᱠᱚᱧᱮ ᱟᱨ ᱥᱟᱢᱟᱝ ᱴᱚᱴᱷᱟ ᱥᱟᱶ ᱮᱛᱚᱢᱼᱯᱟᱪᱷᱮ ᱴᱚᱴᱷᱟ ᱡᱚᱲᱟᱣᱚᱜ ᱠᱟᱱᱟ᱾
᱖.᱑᱕ ᱠᱤᱞᱳᱢᱤᱴᱟᱨ ᱡᱤᱞᱤᱧ ᱟᱨ ᱑᱘.᱑᱘ ᱢᱤᱴᱟᱨ ᱚᱥᱟᱨ ᱱᱚᱣᱟ ᱥᱟᱠᱳ ᱫᱚ ᱵᱟᱨ ᱛᱚᱞᱟ ᱥᱟᱠᱳ ᱠᱟᱱᱟ, ᱥᱟᱠᱳ ᱨᱮᱭᱟᱜ ᱪᱮᱛᱟᱱ ᱛᱚᱞᱟ ᱨᱮ ᱯᱩᱱ ᱞᱮᱱ ᱨᱮᱭᱟᱜ ᱢᱚᱴᱚᱨ ᱜᱟᱹᱰᱤ ᱦᱚᱨ ᱟᱨ ᱞᱟᱛᱟᱨ ᱛᱚᱞᱟ ᱨᱮ ᱢᱤᱫ ᱴᱟᱝ ᱨᱮᱞ ᱜᱟᱹᱰᱤ ᱨᱮᱭᱟᱜ ᱞᱟᱭᱤᱱ ᱢᱮᱱᱟᱜᱼᱟ᱾
᱑᱙᱙᱘ ᱥᱮᱨᱢᱟ ᱨᱮ ᱯᱩᱭᱞᱩ ᱱᱚᱣᱟ ᱥᱟᱠᱳ ᱵᱮᱱᱟᱣ ᱨᱮᱭᱟᱜ ᱠᱟᱛᱷᱟ ᱨᱟᱠᱟᱵ ᱞᱮᱱᱟ᱾ ᱩᱱ ᱚᱠᱛᱚ ᱱᱚᱣᱟ ᱞᱟᱹᱜᱤᱫ ᱓,᱖᱔᱓.᱕᱐ ᱠᱳᱴᱤ ᱴᱟᱠᱟ ᱵᱟᱡᱮᱴ ᱫᱚᱦᱚ ᱦᱩᱭ ᱞᱮᱱᱟ᱾ ᱱᱚᱣᱟ ᱨᱮᱭᱟᱜ ᱒᱖᱙᱓.᱕᱐ ᱠᱳᱴᱤ ᱴᱟᱠᱟ ᱫᱚ ᱵᱟᱨᱦᱮ ᱫᱤᱥᱚᱢ ᱠᱷᱚᱱ ᱞᱳᱱ ᱞᱮᱠᱟᱛᱮ ᱟᱨ ᱗᱕᱐ ᱠᱳᱴᱤ ᱴᱟᱠᱟ ᱫᱚ ᱡᱟᱹᱛᱤᱭᱟᱹᱨᱤ ᱵᱟᱠᱷᱟᱲ ᱠᱷᱚᱱ ᱮᱢ ᱨᱮᱭᱟᱜ ᱠᱟᱛᱷᱟ ᱜᱚᱴᱟ ᱦᱩᱭ ᱞᱮᱱᱟ᱾
᱒᱐᱐᱘-᱐᱙ ᱥᱮᱨᱢᱟ, ᱥᱟᱠᱳ ᱵᱮᱱᱟᱣ ᱠᱟᱹᱢᱤᱦᱚᱨᱟ ᱥᱟᱶ ᱡᱚᱯᱲᱟᱣ ᱟᱫᱚᱢ ᱦᱚᱲ ᱠᱚᱣᱟᱜ ᱫᱩᱨᱱᱤᱛᱤ ᱠᱷᱟᱹᱛᱤᱨ ᱡᱮᱜᱮᱛ ᱵᱮᱝᱠ (World Bank) ᱱᱚᱣᱟ ᱨᱮ ᱜᱚᱲᱚ ᱮᱢ ᱠᱷᱚᱱ ᱮ ᱥᱟᱦᱟ ᱞᱮᱱᱟ᱾ ᱡᱮᱜᱮᱛ ᱵᱮᱝᱠ ᱧᱮᱞᱛᱮ ᱮᱴᱟᱜ ᱵᱟᱨᱦᱮ ᱫᱤᱥᱚᱢ ᱨᱮᱱ ᱠᱟᱹᱣᱰᱤ ᱜᱚᱲᱚ ᱮᱢᱚᱜ ᱠᱚᱦᱚᱸ ᱠᱚ ᱥᱟᱦᱟ ᱞᱮᱱᱟ᱾
ᱛᱟᱭᱚᱢ ᱛᱮ ᱵᱟᱝᱞᱟᱫᱮᱥ ᱥᱚᱨᱠᱟᱨ ᱟᱡᱟᱜ ᱠᱟᱹᱣᱰᱤ ᱛᱮᱜᱮ ᱱᱚᱣᱟ ᱥᱟᱠᱳ ᱵᱮᱱᱟᱣ ᱨᱮᱭᱟᱜ ᱮ ᱜᱚᱴᱟ ᱞᱮᱫᱟ᱾
ᱯᱚᱫᱽᱫᱟ ᱥᱟᱠᱳ ᱵᱮᱱᱟᱣ ᱨᱮ ᱵᱟᱝᱞᱟᱫᱮᱥ ᱥᱚᱨᱠᱟᱨ ᱜᱩᱴ ᱓᱐,᱑᱙᱓.᱓᱙ ᱠᱳᱴᱤ ᱴᱟᱠᱟ ᱠᱷᱚᱨᱚᱪ ᱦᱩᱭᱩᱜ ᱠᱟᱱ ᱛᱟᱭᱟ᱾
᱒᱐᱑᱔ ᱥᱮᱨᱢᱟ ᱨᱮᱭᱟᱜ ᱑᱗ ᱡᱩᱱ ᱯᱚᱫᱽᱫᱟ ᱥᱟᱠᱳ ᱵᱮᱱᱟᱣ ᱞᱟᱹᱜᱤᱫ ᱵᱟᱝᱞᱟᱫᱮᱥ ᱥᱚᱨᱠᱟᱨ ᱟᱨ ᱪᱟᱭᱱᱟ ᱢᱮᱡᱚᱨ ᱵᱨᱤᱡᱽ ᱤᱧᱡᱤᱱᱤᱭᱚᱨᱤᱝ ᱠᱚᱱᱥᱴᱨᱟᱠᱥᱚᱱ ᱠᱚᱢᱯᱟᱱᱤ ᱢᱩᱸᱫᱽ ᱨᱮ ᱢᱤᱫ ᱪᱩᱠᱛᱤ ᱨᱮ ᱥᱩᱦᱤ ᱦᱩᱭ ᱞᱮᱱᱟ᱾
ᱯᱚᱫᱽᱫᱟ ᱥᱟᱠᱳ ᱵᱮᱱᱟᱣᱮᱱ ᱠᱷᱟᱹᱛᱤᱨ ᱔᱔,᱐᱐᱐² ᱠᱤᱢᱤ (᱑᱗,᱐᱐᱐² ᱢᱟᱭᱤᱞ) ᱥᱮ ᱵᱟᱝᱞᱟᱫᱮᱥ ᱨᱮᱭᱟᱜ ᱒᱙% ᱴᱚᱴᱷᱟ ᱨᱮᱱ ᱓ ᱠᱳᱴᱤ ᱠᱷᱚᱱ ᱦᱚᱸ ᱡᱟᱹᱥᱛᱤ ᱦᱚᱲ ᱱᱚᱣᱟ ᱛᱮ ᱜᱚᱲᱚ ᱠᱚ ᱧᱟᱢᱟ᱾ ᱟᱜᱟᱢ ᱨᱮ ᱱᱚᱣᱟ ᱥᱟᱠᱳ ᱨᱮ ᱜᱮᱥ, ᱵᱤᱡᱽᱞᱤ ᱞᱟᱭᱤᱱ ᱟᱨ ᱯᱷᱟᱭᱵᱟᱨ ᱚᱯᱴᱤᱠᱮᱞ ᱠᱮᱵᱚᱞ ᱟᱴᱮᱫ ᱨᱮᱭᱟᱜ ᱵᱚᱱᱫᱮᱡ ᱦᱚᱸ ᱦᱮᱱᱟᱜᱼᱟ ᱾
ᱟᱸᱥ ᱢᱮᱱᱟᱜ ᱱᱚᱣᱟ ᱥᱟᱠᱳ ᱦᱚᱛᱮᱛᱮ ᱵᱟᱝᱞᱟᱫᱮᱥ ᱨᱮᱭᱟᱜ ᱡᱤ.ᱰᱤ.ᱯᱤ ᱑.᱒ ᱥᱟᱭᱠᱚᱲᱟ (%) ᱰᱷᱮᱨ ᱫᱟᱲᱮᱭᱟᱜᱼᱟ ᱾
0 Comments