ᱵᱷᱤᱢᱪᱚᱱᱫᱽᱨᱚ ᱢᱩᱨᱢᱩ

ᱵᱷᱤᱢ ᱪᱚᱱᱫᱽᱨᱚ ᱢᱩᱨᱢᱩ ᱫᱚ ᱑᱙᱖᱐ ᱥᱮᱨᱢᱟ ᱨᱮᱭᱟᱜ ᱖ ᱟᱜᱚᱥᱴ ᱦᱤᱞᱚᱜ ᱮ ᱡᱟᱱᱟᱢ ᱞᱮᱱᱟ᱾ ᱡᱟᱱᱟᱢ ᱟᱹᱛᱩ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱵᱟᱸᱠᱩᱲᱟ ᱦᱚᱱᱚᱛ ᱨᱮᱭᱟᱜ ᱥᱟᱛᱢᱳᱣᱞᱤ ᱰᱟᱠ ᱚᱲᱟᱜ ᱨᱮᱭᱟᱜ ᱪᱟᱸᱫᱟᱵᱤᱞᱟ ᱟᱹᱛᱩ ᱨᱮ᱾ ᱟᱯᱟᱛ ᱧᱩᱛᱩᱢ ᱵᱳᱭᱫᱚᱱᱟᱛᱷ ᱢᱩᱨᱢᱩ ᱟᱨ ᱟᱭᱚ ᱫᱚ ᱦᱟᱥᱤ ᱢᱩᱨᱢᱩ᱾

ᱚᱞᱚᱜ ᱯᱟᱲᱦᱟᱜ

ᱵᱷᱤᱢ ᱪᱚᱱᱫᱽᱨᱚ ᱢᱩᱨᱢᱩ ᱫᱚ ᱪᱤᱝᱜᱟᱱᱤ ᱦᱟᱭ ᱥᱠᱩᱞ ᱠᱷᱚᱱ ᱛᱟᱞᱟᱢ ᱵᱤᱱᱤᱰ, ᱨᱟᱢᱥᱟᱜᱚᱨ ᱦᱟᱭ ᱥᱠᱩᱞ ᱠᱷᱚᱱ ᱪᱮᱛᱟᱱ ᱛᱟᱞᱢᱟ ᱵᱤᱱᱤᱰ ᱟᱨ ᱯᱟᱸᱪᱢᱩᱲᱟ ᱠᱚᱞᱮᱡᱽ ᱠᱷᱚᱱ ᱵᱤ.ᱮ. ᱭᱮ ᱯᱟᱥ ᱞᱮᱫᱟ᱾ 

ᱩᱱᱤ ᱫᱚ ᱵᱟᱸᱠᱩᱲᱟ ᱦᱚᱱᱚᱛ ᱨᱮᱭᱟᱜ ᱩᱛᱷᱱᱟᱹᱣ ᱥᱮᱞ ᱨᱮᱭ ᱠᱟᱹᱢᱤ ᱠᱟᱱ ᱛᱟᱦᱮᱸᱫ᱾ 

ᱥᱟᱶᱦᱮᱫ ᱪᱟᱨᱪᱟ

ᱵᱟᱰᱟᱭᱚᱜᱼᱟ, ᱪᱮᱛᱟᱱ ᱛᱟᱞᱢᱟ ᱛᱷᱚᱠ ᱨᱮ ᱯᱟᱲᱦᱟᱣ ᱚᱠᱛᱚ ᱠᱷᱚᱱ ᱜᱮ ᱚᱱᱚᱬᱦᱮᱸ ᱟᱨ ᱚᱱᱚᱞ ᱠᱚᱸᱭ ᱚᱞᱮᱫ ᱛᱟᱦᱮᱱᱟ᱾ ᱵᱷᱤᱢ ᱪᱚᱱᱫᱽᱨᱚ ᱫᱚ ᱥᱟᱶᱛᱟ ᱨᱮ ᱟᱸᱫᱷᱟ ᱯᱟᱹᱛᱭᱟᱹᱣ ᱟᱨ ᱢᱚᱱ ᱠᱩᱥᱤ ᱦᱟᱺᱰᱤ ᱵᱮᱵᱷᱟᱨ ᱵᱤᱨᱩᱫᱽ ᱨᱮᱭ ᱚᱞ ᱟᱠᱟᱫᱟ᱾ ᱟᱡᱟᱜ ᱟᱭᱢᱟ ᱚᱞ ᱱᱟᱱᱟᱼᱦᱩᱱᱟᱹᱨ ᱯᱟᱛᱷᱟᱢ ᱨᱮ ᱯᱟᱨᱥᱟᱞ ᱟᱠᱟᱱᱟ᱾

ᱚᱞ ᱯᱚᱛᱚᱵ ᱠᱚ

᱑) "ᱥᱟᱲᱵᱟᱦᱟ"  (ᱚᱱᱚᱬᱦᱮᱸ ᱯᱩᱛᱷᱤ)

᱒) ᱨᱚᱲ ᱥᱮᱬᱟ ᱞᱟᱹᱜᱤᱫ - ᱥᱩᱜᱩᱲ ᱥᱟᱱᱛᱟᱲᱤ ᱥᱮᱪᱮᱫ ᱟᱨ ᱚᱱᱟ ᱨᱮᱭᱟᱜ ᱵᱮᱵᱷᱟᱨ᱾

᱓) "ᱚᱠᱚᱭ ᱫᱚ ᱚᱠᱟ ᱪᱮᱫ ᱪᱮᱫᱟᱜ"