ᱥᱟᱱᱛᱟᱲᱤ ᱥᱟᱶᱦᱮᱫ ᱪᱟᱨᱪᱟ ᱨᱮ ᱢᱚᱫᱚᱱ ᱢᱳᱦᱚᱱ ᱫᱚ ᱟᱡᱟᱜ ᱧᱩᱛᱩᱢ ᱛᱟᱭᱚᱢ ᱞᱟᱝᱛᱤᱛᱤ ᱟᱹᱲᱟᱹ ᱦᱚᱸᱭ ᱵᱮᱵᱷᱟᱨ ᱟᱠᱟᱫᱟ᱾ ᱟᱨᱦᱚᱸ ᱟᱫᱚᱢ ᱡᱚᱠᱷᱮᱡᱽ ᱫᱚ ᱵᱟᱦᱟᱱᱟ ᱧᱩᱛᱩᱢ ᱞᱮᱠᱟᱛᱮ ᱱᱚᱣᱟ ᱫᱚᱭ ᱵᱮᱵᱷᱟᱨ ᱟᱠᱟᱫᱟ᱾
ᱥᱟᱱᱛᱟᱲ ᱥᱟᱶᱛᱟ ᱨᱮᱭᱟᱜ ᱞᱟᱹᱭᱼᱞᱟᱠᱪᱟᱨ ᱮᱱᱮᱡ ᱥᱮᱨᱮᱧ ᱧᱮᱞ ᱛᱮᱭ ᱦᱟᱨᱟ ᱵᱩᱨᱩ ᱟᱠᱟᱱ, ᱢᱚᱫᱚᱱ ᱢᱳᱦᱚᱱ ᱢᱩᱨᱢᱩ ᱫᱚ ᱥᱟᱱᱛᱟᱲ ᱥᱟᱶᱛᱟ, ᱡᱤᱭᱚᱱ ᱨᱮᱭᱟᱜ ᱪᱤᱛᱟᱹᱨ ᱜᱮ ᱟᱡᱟᱜ ᱚᱱᱚᱬᱦᱮᱸ, ᱠᱟᱹᱦᱱᱤ ᱛᱟᱞᱟ ᱛᱮᱭ ᱥᱟᱵ ᱨᱟᱠᱟᱵ ᱟᱠᱟᱫᱟ᱾ ᱟᱡᱟᱜ ᱚᱞ ᱨᱮ ᱥᱟᱶᱛᱟ ᱨᱮ ᱥᱚᱲᱚ ᱵᱚᱞᱚᱱ ᱠᱟᱱ ᱵᱮᱼᱵᱟᱹᱲᱤᱡ ᱚᱨᱥᱚᱝ ᱠᱚ ᱡᱮᱞᱮᱠᱟᱭ ᱡᱷᱟᱞᱠᱟᱣ ᱨᱟᱠᱟᱵ ᱟᱠᱟᱫᱟ, ᱚᱱᱠᱟ ᱜᱮ ᱩᱛᱷᱱᱟᱹᱣ ᱨᱮᱭᱟᱜ ᱩᱭᱦᱟᱹᱨ ᱰᱟᱦᱟᱨ ᱦᱚᱸᱭ ᱩᱫᱩᱜᱽ ᱟᱠᱟᱫᱟ᱾ ᱟᱡᱟᱜ ᱚᱞ ᱠᱟᱹᱦᱱᱤ, ᱚᱱᱚᱬᱦᱮᱸ ᱨᱮ ᱱᱮᱵᱮᱛᱟᱨ ᱨᱮᱭᱟᱜ ᱚᱨᱥᱚᱝ ᱦᱚᱸ ᱧᱮᱞ ᱧᱟᱢᱚᱜᱼᱟ᱾
ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱭᱟᱜ ᱪᱟᱞᱟᱜ ᱰᱟᱦᱟᱨ ᱨᱮ ᱚᱱᱚᱬᱦᱤᱭᱟᱹ, ᱚᱱᱚᱞᱤᱭᱟᱹ ᱢᱚᱫᱚᱱ ᱢᱳᱦᱚᱱ ᱢᱩᱨᱢᱩ ᱫᱚ ᱥᱟᱶᱦᱮᱫ ᱯᱟᱛᱷᱟᱢ ᱨᱮᱱ ᱥᱟᱥᱟᱯᱲᱟᱣᱤᱡ ᱞᱮᱠᱟᱛᱮ ᱦᱚᱸᱭ ᱵᱟᱲᱟᱭᱚᱜᱼᱟ᱾ ᱑᱙᱘᱙ ᱥᱮᱨᱢᱟ ᱠᱷᱚᱱ ᱯᱟᱨᱥᱟᱞᱚᱜ ᱠᱟᱱ ᱯᱮᱼᱪᱟᱸᱫᱚᱠᱤᱭᱟᱹ "ᱥᱟᱨ ᱥᱟᱹᱜᱩᱱ" ᱥᱟᱶᱦᱮᱫ ᱯᱟᱛᱷᱟᱢ ᱨᱮᱱ ᱥᱟᱥᱟᱯᱲᱟᱣᱤᱡ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱟ᱾ ᱚᱱᱟ ᱥᱟᱶᱛᱮ, ᱒᱐᱐᱒ ᱥᱮᱨᱢᱟ ᱠᱷᱚᱱ ᱯᱟᱨᱥᱟᱞᱚᱜ ᱠᱟᱱ "ᱠᱷᱮᱨᱣᱟᱞ ᱜᱚᱰᱮᱛ" ᱥᱟᱶᱦᱮᱫᱼᱞᱟᱠᱪᱟᱨ ᱯᱟᱛᱷᱟᱢ ᱨᱮᱱ ᱜᱚᱲᱚ ᱥᱟᱥᱟᱯᱲᱟᱣᱤᱡ ᱦᱚᱸᱭ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱫᱚ ᱵᱟᱸᱠᱩᱲᱟ ᱨᱮᱱᱟᱜ ᱪᱚᱴᱤ ᱠᱷᱚᱱ ᱯᱟᱨᱥᱟᱞᱚᱜ ᱠᱟᱱ ᱛᱟᱦᱮᱱᱟ᱾ (ᱛᱚᱵᱮ ᱚᱱᱚᱞᱤᱭᱟᱹ ᱟᱨ ᱥᱟᱥᱟᱯᱲᱟᱣᱤᱡ ᱢᱚᱫᱚᱱ ᱢᱳᱦᱚᱱ ᱫᱚ ᱢᱤᱫ ᱦᱚᱲ ᱜᱮ ᱥᱮ ᱮᱴᱟᱜ ᱦᱚᱲ ᱚᱱᱟ ᱤᱫᱤ ᱠᱟᱛᱮ ᱦᱤᱫᱤᱡ ᱢᱮᱱᱟᱜᱼᱟ)
ᱚᱞ ᱯᱚᱛᱚᱵ ᱠᱚ
᱑) "ᱞᱟᱸᱫᱟᱭ ᱞᱮᱠᱟ" - ᱑᱙᱘᱖ (ᱚᱱᱚᱬᱦᱮᱸ)
᱒) "ᱦᱟᱯᱲᱟᱢ ᱠᱚᱣᱟᱜ ᱩᱭᱦᱟᱹᱨ" - ᱑᱙᱘᱖ (ᱜᱟᱭᱟᱱ)
᱓) "ᱡᱷᱤᱱᱤᱠ ᱡᱷᱤᱯᱤᱨ" - (ᱛᱩᱢᱟᱹᱞ ᱠᱟᱹᱦᱱᱤ)
᱔) "ᱥᱩᱪ ᱰᱟᱹᱰᱤ ᱫᱟᱜ" - (ᱚᱱᱚᱬᱦᱮᱸ)
0 Comments