ᱚᱱᱚᱞᱤᱭᱟᱹ ᱟᱨ ᱯᱟᱹᱨᱥᱤ ᱞᱟᱹᱣᱲᱤᱭᱟᱹ ᱩᱫᱚᱭᱱᱟᱛᱷ ᱢᱟᱺᱡᱷᱤ (ᱢᱩᱨᱢᱩ) ᱫᱚ ᱑᱙᱔᱖ ᱥᱮᱨᱢᱟ ᱨᱮᱭᱟᱜ ᱯᱩᱭᱞᱩ ᱡᱩᱞᱟᱭ, ᱳᱰᱤᱥᱟ ᱯᱚᱱᱚᱛ ᱨᱮᱭᱟᱜ ᱢᱚᱭᱩᱨᱵᱷᱚᱸᱡᱽ ᱡᱮᱞᱟ ᱨᱮᱭᱟᱜ ᱵᱟᱦᱟᱫᱟ ᱰᱟᱠ ᱚᱲᱟᱜ ᱥᱩᱨ ᱵᱷᱟᱜᱟᱵᱟᱸᱫᱷᱤ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱠᱩᱱᱟᱨ ᱢᱟᱺᱡᱷᱤ ᱟᱨ ᱟᱭᱳ ᱫᱚ ᱥᱳᱱᱟ᱾
ᱚᱞᱚᱜ ᱯᱟᱲᱦᱟᱜ
᱑᱙᱗᱐ ᱥᱮᱨᱢᱟ ᱨᱮ ᱩᱛᱠᱚᱞ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱡᱟᱹᱛᱤ ᱥᱟᱬᱮᱥ (Anthropology) ᱨᱮ ᱮᱢ.ᱮ. ᱯᱟᱥ ᱟᱠᱟᱫᱟ᱾
ᱩᱫᱚᱭᱱᱟᱛᱷ ᱟᱜ ᱯᱟᱲᱦᱟᱜ ᱡᱤᱭᱚᱱ ᱵᱟᱵᱚᱛ ᱡᱟᱹᱥᱛᱤ ᱠᱟᱛᱷᱟ ᱵᱟᱝ ᱵᱟᱲᱟᱭ ᱟᱠᱟᱱᱟ᱾
ᱠᱟᱹᱢᱤ ᱡᱤᱭᱚᱱ
ᱞᱟᱯᱷᱟᱝ ᱥᱮᱪᱮᱫ ᱛᱮ ᱥᱮᱪᱮᱫ ᱟᱠᱟᱱ ᱩᱫᱚᱭᱱᱟᱛᱷ ᱫᱚ ᱵᱷᱟᱨᱚᱛᱤᱭᱚ ᱨᱮᱞ ᱵᱤᱵᱷᱟᱜᱽ ᱨᱮ ᱠᱟᱹᱢᱤᱭ ᱮᱦᱚᱵ ᱞᱮᱫᱟ᱾ ᱨᱮᱞ ᱵᱤᱵᱷᱟᱜᱽ ᱨᱮ ᱠᱟᱹᱢᱤ ᱠᱷᱟᱹᱛᱤᱨ ᱩᱱᱤ ᱫᱚ ᱵᱷᱟᱨᱚᱛ ᱨᱮᱭᱟᱜ ᱟᱹᱰᱤᱜᱟᱱ ᱡᱟᱭᱜᱟ ᱮ ᱫᱟᱬᱟ ᱟᱠᱟᱫᱟ᱾
ᱥᱟᱶᱦᱮᱫ
ᱩᱫᱚᱭᱱᱟᱛᱷ ᱫᱚ ᱯᱟᱹᱴᱷᱩᱣᱟᱹ ᱩᱢᱮᱨ ᱠᱷᱚᱱ ᱜᱮ ᱥᱟᱱᱛᱟᱲᱤ ᱥᱟᱶᱦᱮᱫ ᱥᱮᱫ ᱮ ᱨᱮᱞᱟᱣ ᱪᱟᱞᱟᱣ ᱞᱮᱱᱟ᱾ ᱥᱟᱶᱛᱟ ᱟᱨ ᱞᱟᱠᱪᱟᱨ ᱪᱮᱛᱟᱱ ᱟᱹᱰᱤ ᱟᱭᱢᱟ ᱜᱮᱭᱟᱱ ᱛᱟᱦᱮᱸᱠᱟᱱ ᱛᱟᱭᱟ᱾ ᱜᱩᱨᱩ ᱜᱚᱢᱠᱮ ᱯᱚᱸᱰᱮᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱟᱜ ᱡᱤᱭᱚᱱ ᱧᱮᱱᱮᱞ ᱛᱮ ᱚᱨᱥᱚᱝ ᱠᱟᱛᱮ ᱟᱡᱟᱜ ᱱᱚᱣᱟ ᱜᱮᱭᱟᱱ ᱥᱟᱶᱦᱮᱫ ᱜᱟᱰᱟ ᱥᱮᱫ ᱞᱤᱸᱜᱤᱱ ᱞᱮᱱᱟ᱾ ᱥᱟᱶᱛᱟᱼᱞᱟᱠᱪᱟᱨ ᱟᱨ ᱯᱟᱹᱨᱥᱤ ᱪᱮᱛᱟᱱ ᱟᱭᱢᱟ ᱚᱱᱚᱞ ᱮ ᱚᱞ ᱟᱠᱟᱫᱟ᱾
ᱟᱢᱟᱜ ᱢᱤᱫᱴᱟᱝ ᱜᱮ ᱯᱟᱨᱥᱟᱞ ᱟᱠᱟᱱ ᱯᱚᱛᱚᱵ ᱫᱚ
• "ᱥᱟᱶᱦᱮᱫ ᱥᱟᱦᱛᱟ", ᱑᱙᱘᱘ ᱥᱮᱨᱢᱟ ᱨᱮ ᱯᱟᱨᱥᱟᱞ ᱟᱠᱟᱱᱟ᱾
ᱩᱫᱚᱭᱱᱟᱛᱷ ᱜᱚᱢᱠᱮ ᱫᱚ ᱥᱟᱥᱟᱯᱲᱟᱣᱤᱡ ᱞᱮᱠᱟᱛᱮᱭ ᱦᱚᱸᱭ ᱠᱟᱹᱢᱤ ᱟᱠᱟᱫᱟ, ᱩᱱᱤ ᱫᱚ ᱑᱙᱘᱖ ᱥᱮᱨᱢᱟ ᱠᱷᱚᱱ ᱑᱙᱙᱐ ᱥᱮᱨᱢᱟ ᱫᱷᱟᱹᱵᱤᱡ "ᱠᱷᱮᱨᱣᱟᱞ ᱰᱟᱦᱟᱨ" ᱧᱩᱛᱩᱢ ᱢᱤᱫ ᱥᱮᱨᱢᱟᱠᱤᱭᱟᱹ ᱯᱟᱛᱷᱟᱢ ᱨᱮᱱ ᱥᱟᱥᱟᱯᱲᱟᱣᱤᱡ ᱮ ᱛᱟᱦᱮᱸ ᱠᱟᱱᱟ᱾
ᱚᱞ ᱪᱤᱠᱤ ᱯᱟᱥᱱᱟᱣ ᱨᱮᱦᱚᱸ ᱟᱹᱰᱤ ᱟᱭᱢᱟ ᱮᱱᱮᱢ ᱢᱮᱱᱟᱜ ᱛᱟᱭᱟ᱾
ᱩᱱᱤ ᱫᱚ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱥᱟᱶ ᱦᱚᱸ ᱡᱚᱯᱲᱟᱣ ᱮ ᱛᱟᱦᱮᱸ ᱠᱟᱱᱟ᱾
ᱥᱤᱨᱯᱷᱟᱹ
ᱚᱱᱚᱞᱤᱭᱟᱹ ᱞᱮᱠᱟᱛᱮ ᱑᱙᱘᱒ ᱥᱮᱨᱢᱟ ᱨᱮ ᱩᱱᱤ ᱫᱚ "ᱥᱟᱜᱮᱱ ᱥᱟᱠᱟᱢ" ᱥᱤᱨᱯᱷᱟᱹ ᱛᱮᱠᱚ ᱢᱟᱹᱱ ᱟᱠᱟᱫᱮᱭᱟ᱾
ᱟᱨᱦᱚᱸ ᱑᱙᱙᱒ ᱥᱮᱨᱢᱟ ᱨᱮ ᱫᱤᱞᱞᱤ ᱨᱮᱭᱟᱜ ᱵᱷᱟᱨᱚᱛᱤᱭᱚ ᱫᱚᱞᱤᱛ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱯᱟᱦᱴᱟ ᱠᱷᱚᱱ 'ᱰᱨ. ᱵᱤ. ᱟᱨ. ᱟᱢᱵᱮᱫᱽᱠᱚᱨ ᱡᱟᱹᱛᱤᱭᱟᱹᱨᱤ ᱥᱤᱨᱯᱷᱟᱹ' ᱠᱚ ᱪᱟᱞ ᱟᱠᱟᱫᱮᱭᱟ᱾
0 Comments